Актуелниот шампион во Првата футсал лига на Македонија, КМФ Проект вечерва славеше со 3:1 во големото дерби на првото пролетно коло од шампионатот и тоа против директниот конкурент за титулата, Шкупи. На дуелот во Гевгелија, КМФ Проект успеа да извојува посакувана победа против лидерот на табелата по првите 12 кола.
Шкупи имаше само три бода предност пред КФМ Проект, пред се поради победата на натпреварот во Скопје кој заврши со 1:0 за чаирчани. Со овој триумф шампионот се враќа на делба на првата позиција.
