Екипата на Атлетико го совлада Бетис во Ла Лига во 27 коло на „Бенито Виљамараин“ во Севиља со 3:1. Со тоа „јорганџиите“ се искачија на четвртото место на табелата, последното кое води во ЛШ, а притоа „зелено-белите“ паднаа место подоле.
На теренот царуваше Жоао Феликс кој постигна два гола. Португалецот постигна гол во 2. минута од мечот, а во последните секунди од првиот дел изедначи Кристијан Тељо. Во 61. минута Феликс повторно го доведе Атлетико во предност, а конечниот резултат го постави Тома Лемар десет минути пред крајот на мечот.
А петти пат во кариерата Феликс постигнува 2+ погодоци на еден меч за Атлетико од кои четири се во Ла Лига и еден во ЛШ.
