Актуелниот лидер на табелата во Премиер лигата Манчестер Сити одигра реми без голови на гостувањето кај Кристал Палас во 29. коло на Премиер лигата. „Граѓаните“ беа доминантни но не успеаа да ги освојат бодовите на ова гостување во Лондон. Палас имаше и среќа затоа што немаше сериозни шанси за гол, но се покажа и како цврст орев за „граѓаните“.
Сити остана без два бода но се уште се лидери со 70 поени, четири повеќе од Ливерпул кој има меч помалку.
Ова е четврто реми на Сити сезонава во Премиер лигата, прво по јануари и нерешниот резултат без голови против Саутемптон.
