Веќе два дена во италијанските медиуи се вртат информации за можните стартни 11 на „аѕурите“ на вечерашниот дуел со Македонија. Од се она што може да се прочита, заклучокот е следен: Манчини има само една дилема – кој ќе почне на стоперските позиции?
Ако се суди според пишувањето на највлијателните италијански весници, местото на Бастони кој се најавуваше како сигурен стартер во одбраната, е најмалку сигурно. Манчини се уште не решил дали тој е решението за испразнетите места во централниот дел на одбраната по отсуствата на Бонучи и Киелини.
Манчини вчера по тренингот на италијанската репрезентација се врати во хотелот, носејќи со себе неколку сомнежи околу тоа кого треба да испрати на трибините. Бастони е фаворит пред Ачерби, но тоа не значи дека Мансио нема да го промени мислењето во последен момент. Вториот стопер кој е скоро сигурен стартер е дрфанзивецот на Рома, Џанлука Манчини. Италијанските медиуми велат дека не треба да се заборави дека Киелини утринава може да се предомисли и да реши да игра. Но, тоа треба да го направи со посебна дозвола на лекарите.
