Словенечката кошаркарска ѕвезда во НБА лигата, Лука Дончиќ со 42 поени, осум скока и 14 асистенции, практично сам му донесе трета победа на Далас во првата рунда од плеј-офот во пресметката со ЛА Клиперс. Далас на патот кон третата победа во првото коло од плеј-офот дојде со уште една гостинска победа, овој пат од 105:100 и покажа дека домашниот терен не е никаква предност во овој двомеч.
Дури 40 од 42 поени, Дончиќ постигна во првите три периода од мечот, а во последната четвртина од петтиот натпревар постигна само два поени. Тој беше неприкосновен херој на Далас и утрово. Пол Џорџ со 23 поени беше најдобар во редовите на ЛА Клиперс, додека Каваи Ленард постигна 20.
Атланта, пак, ја обезбеди својата прва промоција во втората рунда во последните пет години. Треј Јанг е херотот на Хокс, кој за четврта победа против Њујорк (103:89) постигна 36 поени и додаде девет асистенции. Филаделфија исто така беше убедлива, иако првата sвезда Жоел Ембид , кој има проблеми со менискусот на левото колено, не можеше да игра. Филаделфија славеше дома со 129:122 над Вашингтон и со вкупни 4:1 мина во следната рунда.
Пласман во следната рунда од плеј-офот избори и Јута која со четвртата последователна победа над Мемфис (126:110) успеа да ја затвори низата со 4:1.
The updated #NBAPlayoffs bracket after the @sixers, @ATLHawks, @utahjazz advance and the @dallasmavs go up 3-2!
THURSDAY on TNT ⤵️
8:00 PM ET: DEN (3-2) POR
10:30 PM ET: PHX (3-2) LAL pic.twitter.com/kPiVI8f9fu— NBA (@NBA) June 3, 2021
