Екипата на Интер најде замена за досегашниот тренер Антонио Конте. Во новата сезона како актуелни шампиони во Серија А, „Нероазурите“ ќе ги води Симоне Инзаги, досегашниот тренер на тимот на Лацио.
Во Рим помладиот од браќата Инзаги престојуваше од 2016 година, а сега очигледно ќе ја подигне својата тренерска кариера на едно сосема поинакво ниво.
Интер следната сезона ќе настапува во Лигата на Шампионите, ќе има задача да ја одбрани тешко стекнатата шампионска титула и ќе може да се рангира меѓу најдобрите тренери во светот.
