Тој веќе со месеци е надвор од форма. Од време на време ќе постигне по некој гол, но самата одлука на Томас Тухел да го него користи на најважните мечеви доцолно говори за неговиот статус во тимот.
Лукаку сака да се врати во Интер, подготвен да игра за помала плата, но прашање е колку челниците на клубот навистина го сакаат.
Последните информации кои се појавија за 28-годишниот фудбалер е дека Барселона го сака во своите редови, откако пропадна трансферот со Ерлинг Халанд, додека под знак прашалник е Роберт Левандовски.
Евентуалното доаѓање во редовите на каталонскиот гигант го коментираше и Антонио Касано, кој се воодушевува на играта на Барса.
„Заљубен сум во филозофијата на Барселона, но ако дојде Лукаку нема да гледам повеќе ниту еден нивни меч. Тој не успева да спои три додавања во Челзи каде нема конкуренција, додека во Барселона прават 55 додавања додека стигнат до голот. Како ќе се снајде?“, искоментира Касано.
Иако зема 113 милиони евра оваа сезона има 40 настапи и 12 голови.
