Манчестер Сити го донесе Ерлин Халанд, потврди Фабрицио Романо, најпопуларниот новинар кога станува збор за трансферите на познатите фудбалери во светот на овој спорт. Халанд веќе ги завршил лекарските прегледи, а Сити го известил бундес-лигашот дека ќе ја активира клаузулата во договорот.
Со месеци се спомнуваше дека висината на клаузулата изнесува 75 милиони евра, но Романо открива дека за неговата слобода Сити ќе плати измеѓу 60 и 75 милиони евра, шансите да искешира 60 милиони евра се поголеми.
Халанд во Борусија Дортмунд дојде во зимскиот преоден рок во 2020 година од Салцбург, одигра 88 меча на кои постигна 85 гола и запиша 23 асистенции.
Во текот на оваа недела се очекува и официјална потврда на трансферот.
