Ливерпул е заинтересиран за ангажман на десниот бек Калвин Ремзи од шкотски Абердин. Ако трансферот се реализира, Абердин би можел да добие рекордна сума и да го урне клупскиот рекорд за висина на реализиран трансфер.
Според информациите, 18-годишниот фудбалер е во план да биде резерва за на Трент Александер-Арнолд.
„Скај Спортс“ во јануари објави дека Абердин веќе одбил една понуда за дефанзивецот, а таа била од Болоња. Италијанците сакале да го ангажираат Ремзи за 830 илјади фунти и со клаузула за задолжителен откуп на правата во висина од 3,3 милиони.
