Македонската одбојкарска репрезентацијата попладнево во Струмица ќе го одигра полуфиналниот натпревар од Европската Сребрена лига. Нашите одбојкари за противник ја имаат репрезентацијата на Хрватска, која како и ние е учесник на престојното ЕП во септември.
“На хартија ние сме фаворити, но тоа треба да го покажеме на терен. Добри сме, се чувствуваме мотивирано и навистина го посакуваме златото. Но ќе одиме чекор по чекор“, вели организаторот на играта на нашата селекција, Филип Деспотовски.
Дуелот со Хрватите почнува од 17 часот во салата “Парк” во Струмица со присуство на околу 500 навивачи. Веднаш по овпј дуел следува и второто полуфинале меѓу Данска и Унгарија. Победниците утре ќе се сретнат во мечот за златото.
