Играчот од средниот ред Марек Хамшик одлучи да стави крај на настапите за словачката фудбалска репрезентација, ова го објави словачкиот фудбалер на социјалните мрежи.
„Мислев на ова подолго време, а после 15 години дојде време да се откажам од настапите за националниот тим. Горд сум на се што постигнав со репрезентацијата. Бев дел од СП 2010 како и на ЕП 2016 и ЕП 2021. На повеќе од 50 натпревари бев капитен. Им благодарам на селекторите, соиграчите и раководството што ми овозможија да бидам дел од репрезентацијата, заедно ќе се обидеме да направиме успешен словачки фудбал“, напиша Хамшик.
Инаку Хамшик дебитираше за Словачка во февруари 2007 година, одигра 135 натпревари и постигна 26 голови, што го прави национален рекордер.
