Шарл Леклер уште еднаш покажа дека е во супер форма. Возачот на Ферари денеска во квалификациите беше најдобар на патеката во Баку за ГН на Азербејџан во Формула 1 и ја освои пол – позицијата, што значи дека утре ќе стартува од челното место.
Ова за Леклер е шеста пол – позицијата оваа сезона. Тој имаше најбрз круг во време од 1:41.359 минути, сосема доволно за првото место.
На второто место се најде Серхио Перез од Ред Бул, додека трет заврши светскиот првак Макс Верстапен. Вториот возач на Ферари Карлос Саинц беше четврти, а Луис Хамилтон на седмата позиција.
Утре трката за ГН на Азербејџан во Баку почнува во 13 часот.
