Марсело се збогува со Реал Мадрид, за кого играше 15 години. 34-годишниот Бразилец на свечена церемонија едвај зборуваше за тимот со кого освои 25 трофеи. На социјалнте мрежи голем број на фудбалски имиња кои беа дел од кралскиот тим испратија пораки, еден од нив беше Кристијано Роналдо.
„Повеќе од соиграч, брат кој ми го даде фудбалот. На теренот и надвор од него, еден од најголемите ѕвезди со кои имав задоволство да ја делам соблекувалната“, напша Роналдо посакувајќи му среќа.
Неговата објава собра осум милиони лајкови, а на убавите зборови му се заблагодари и Марсело.
Бразилецот во Реал дојде во 2007 година, одигра 545 натпревари, постигна 38 голови и 103 асистенции. Освои шест титули во Шпанија, две во Купот на Кралот, пет шпански Суперкупа, пет Лига на шампиони, четири клупски СП и три европски Супер-купа.
