Барселона и натаму преговара со Баерн Минахен за Роберт Левандовски и се обидува да ја реши висината за обештетувањето кое мора да го плати. Како што е познато полскиот напаѓач сака да си оди од редовите на баварскиот гигант и да се пресели кај Каталонците, но се чини овој трансфер нема да биде лесен.
Барса испрати понуда од 40 и 45 милиони евра, но Баерн бара 50 милиони евра плус бонуси доколку го сака Левандовски. Оваа сума е прифатлива, но на рати, нешто што Баерн Минхен нема да го дозволи, парите за својот играч ги сака веднаш.
„Баерн и порача на Барселона дека не сака никакви рати, парите ги сака веднаш за да може да го ослободи Левандовски. Ова е клучниот дел од преговорите. Во Баерн сметаат дека Барселона ќе банкротира за неколку години, па не сакаат да ризикуваат“, се вели во текстот на „The Athletic“.
