Екстравагантниот Мајк Тајсон, некогашниот светски боксерски првак секогаш е во центарот на вниманието. Иако веќе подолго време е надвор од рингот, сепак секоја негова изјава и постапка се мери и премерува, но и се прераскажува.
„Сите ние еден ден ќе умреме. Во последно време често се гледам во огледало и забележувам дамки на лицето, кои порано не беа тука. Си велам на себе дека ова е блиску, дека сум при крај, и дека набрзо ќе умрам. Дури сега сфаќам дека се е релативно. Можеш да имаш многу пари ама пак ништо да немаш. Како може некој искрено да те сака ако имаш на пример 500 милијарди. Парите се релативна работа, верувајте“ истакна Тајсон.
