Каталонскиот клуб ја заврши турнејата во САД со победа против клуб од МЛС, иако синоќа избраниците на Чави не се истакнаа премногу.
Сепак, Барселона на крајот успеа да дојде до победа и се уште е непоразена во претсезоната. По турнејата низ Америка, избраниците на Чави Хернандез сега се враќаат дома.
По неколкуте пропуштени можности на почетокот на натпреварот, Барселона поведе во 40. минута кога Рафиња брилијантно го проигра Дембеле, кој ја погоди мрежата за водство од 1:0.
Во вториот дел и двете екипи имаа неколку добри шанси, но повторно Барселона беше таа која ги искористи нивните шанси. Во 87. минута конечните 2:0 ги постави Мемфис Депај по фантастичната долга топка на Пјаниќ и грешка на одбраната на домаќините.
Роберт Левандовски и на овој меч не успеа да се запише во листата на стрелците иако имаше неколку навистина одлични шанси.
Реал Мадрид во ЛА го совлада Јувентус со 2:0. Од самиот почеток шпанскиот тим го диктираше темпото, веќе во седмата минута постигна гол преку Бензема, но истиот беше поништен поради офсајд. Сепак истиот играч го донесе водството на Реал, од белата точка во 19 минута. Марко Асенсио во 69. минута го постави конечниот резултат 2:0.
