Францускиот фудбалски шампион, Пари Сен Жермен на својата официјална веб-страница го објави потпишувањето на договор со играчот од средниот ред на Лил, Ренато Санчес.
Договорот меѓу шампионот на Франција и фудбалерот на португалската репрезентација ќе биде со важност до 30 јуни 2027 година. Според пишувањата на медиумите, парискиот клуб за Португалецот платил 15 милиони евра.
За три сезони во Лил, Санчес забележа 90 настапи, постигнувајќи шест гола и десет асистенции, а стана и француски шампион и победник на Суперкупот на земјата.
Во 2016 година, Санчес стана европски фудбалски шампион како дел од португалската репрезентација за која има 32 настапи и 3 постигнати гола.
🔴 #WelcomeRenato 🔵 pic.twitter.com/iJtcqiHt4v
— Paris Saint-Germain (@PSG_inside) August 4, 2022
