Трансферот на Касемиро во Манчестер Ј. е готова работа. Како што потврдија повеќе извори, Реал Мадрид ги прифатил сите детали од понудата на „црвените ѓаволи“.
Клубовите ги подготвуваат договорите токму сега и во косу рок трансферот ќе биде и официјално потврден од двата клуба. Фиксната сума која англискиот гигант ќе му ја плати на Реал (М) за Касемиро е 60 милиони евра, а во договорот ќе има и клаузула за бонуси во висина од 10 милиони евра.
Касемиро ќе потпише четиригодишен договор со важност до 2026 година, но ќе има и опција за продолжување на соработката на +1 година. Лекарските прегледи се предвидени за викендов.
