Претседателот на Монца Силвио Берлускони го критикуваше судијата по поразот на неговиот тим од Удинезе во 3. коло на Серија А. Монца го претрпе третиот пораз по ред, а Берлускони го обвини судијата.
„Несреќно загубивме, а противникот играше со 12 фудбалери. Судијата беше на нивна страна што е скандал. Победничкиот гол мораше да го поништи поради чист офсајд, а во текот на мечот судијата Ди Бело постојано свиреше против нас кога имаше дуели на играчи“, изјави Берлускони кој кажа некој збор и за тренерот Џовани Стропа и за фудбалерите.
„Се надевам дека ќе го врати тимот на колосек и тој самиот ќе се подобри. Да се стартува со три едноподруго порази во Серија А е многу, многу лошо. Имаме фудбалери кои не се во форма и мора под итно да се поправат, а чувствувам и дека не се почитува тактиката.
Кога противникот е на нашата половина, нашите напаѓачи треба да седат на нивната половина и да истрчаат напред при долги топки кои ќе ги испрати нашиот голман. Тоа нашиот тим не го направи ниту еднаш, напаѓачите беа премногу напред, па голманот мораше да ја подава топката до бековите или играчите од средниот ред и тие да ја пренесат напред.
На полувреме отидов во соблекувалната и им кажав на играчите дека мора да победиме. Значи не смееме да изгубиме. Не знам што не беше јасно. Им кажав на дефанзивците да се залепат до напаѓачите на Удинезе, а тие не го направија тоа“, додаде Берлускони.
Monza owner Silvio Berlusconi after his side’s 2-1 loss to Udinese:
“They played with 12 men because the referee was with them.”
(Via @franvanni)pic.twitter.com/SDcYtRY9yh
— Get Italian Football News (@_GIFN) August 26, 2022
