Е.Пелистер со бронзен медал се враќа од првото искуство на завршницата во СЕХА-лига. Македонскиот вицепрвак по убедливиот пораз од Веспрем во полуфиналето, по само еден ден успеа да се издигне и да се покаже во едно поинакво светло. Битолскиот тим го совлада Нексе и го освои третото место на Ф4.
Во Задар ракометарите на Е.Пелистер не беа сами, допатуваа неколкумина навивачи, кои иако беа малку, сепак беа доволни. Неуморно ги бодреа своите миленици, веруваа во нив, на крајот заедно се радуваа.
