Поради повреда на задниот бутен муслул, Дарко Чурлинов нема да може да му се стави на располагање на селекторот Благоја Милевски за претстојните мечеви од Лигата на Нациите против Грузија на 23 септември на гости и три дена подоцна против Бугарија на домашен терен.
Ова е уште еден удар за нашиот национален тим со оглед на големите проблеми кои ги имаме околу составот, што поради повреди, што поради недостаток на минутажа на клучните играчи.
Сеуште не се знае дали дополнително ќе биде повикан нов фудбалер на местото на Чурлинов, а прозивката на селекторот Милевски е закажана за 19 септември во 12:00 часот во хотелот Хилтон во Скопје.
