Карло Анчелоти и да сакаше не можеше да добие поубава вест во однос на неговиот Реал Мадрид. Имено најдобриот фудбалер и капитен на “кралевите“, Карим Бензема, денеска почна со тренинзи со останатиот дел од тимот и ќе биде во комбинација за неделниот меч со Осасуна во рамките на 7.коло во Ла Лига.
Да потсетиме дека Бензема беше во „аут“ поради повреда на бутниот мускул. Токму поради тоа капитенот не беше во тимот на Реал Мадрид на последните неколку натпревари на европскиот шампион, а не беше ни во составот на репрезентацијата на Франција на мечевите во Лигата на Нации.
