Сопственикот на Евертон, Фархад Мошири, преговара за продажба на клубот со американскиот бизнисмен Мачек Камински, пренесува Фајненшл Тајмс.
Забележано е дека зделката би можела да биде вредна околу 437 милиони евра. Преговорите меѓу Мошири и Камински се придвижија во последните денови. Договорот мора да биде одобрен од англиската Премиер лига.
Конечната сума зависи и од финансирањето на новиот стадион на Евертон во Ливерпул, а преговорите се комплицирани поради нестабилноста на финансискиот пазар во Велика Британија. Доколку Камински го купи клубот, тогаш половина од клубовите во Премиер лигата (10 од 20) ќе имаат американски акционери.
