Пари Сен Жермен го доби големото дерби на Франција откако го совлада Олимпик Марсеј со 1:0 на „Паркот на принцовите“. Единствениот гол го постигна Нејмар во финишот на првото полувреме. Победата за „светците“ можеше да биде поубедлива затоа што Лео Меси ја погоди гредата, Мбапе пропушти неколку добри шанси. Гостите од Марсеј најжестокиот притисок го направија на почетокот на второто полувреме. Самуел Жиго, кој влезе како резерва, доби црвен картон во 73 минута за прекршок врз Нејмар поради што Марсеј остана со фудбалер помалку да се бори против залетаниот ПСЖ.
Тимот на Кристоф Галтие останува на врвот на табелата со три бода повеќе од вториот Лориен и шест повеќе од Марсеј кој е четврти.
