Кошаркарите на Денвер му нанесоа уште еден, четвртти по ред, пораз од почетокот на сезоната на тимот на Лос Анџелес Лејкерс. Утрово Денвер славеше со 110:99 предводен од српскиот центар Никола Јокиќ, кој мечот го заврши со 31 поен, 13 скока, девет асистенции и четири украдени топки. Брус Браун постигна 18 поени, а Џамал Мареј 13 поени со шест асистенции.
Во тимот од Лос Анџелес најефикасен беше Ентони Дејвис со 22 поени и 14 скока.
Кошаркарите на Мајами го победија Портланд со 119:98 и ја прекинаа серијата од четири победи на Треилблејзерси. Шест играчи на Мајами постигнаа двоцифрен број на поени, а најефикасен беше Бем Адебајо со 18 поени и осум скока. Милвоки, пак, го победи Бруклин со 119:90. Бакс ги предводеше Адетокунбо со 43 поени, 14 скока, пет асистенции и три блокади. Во тимот од Бруклин, Кевин Дурент постигна 33 поени, а Кајри Ирвинг 27 поени со девет скока. Тренерот на Нетс, Стив Неш, беше исфрлен во третата четвртина поради протестирање кон судиите. Ова е првпат да биде исклучен откако го презеде Бруклин, додека како играч двапати беше исклучуван во 18 играчки сезони.
НБА РЕЗУЛТАТИ:
Кливленд – Орландо 103:92
Детроит – Атланта 113:118
Милвоки – Бруклин 110:99
Њујорк – Шарлот 134:131 (прод.)
Торонт – Филаделфија 119:109
Чикаго – Индијана 124:109
Минесота – Сан Антонио 134:122
Јута – Хјустон 109:101
Денвер – ЛА Лејкерс 110:99
Портланд – Мајами 98:119
