Американска инвестициска компанија се согласи да го купи мнозинскиот пакет на акции од инвеститорот Ларс Виндхорст во германскиот бундеслигаш Херта од Берлин. Со база во Мајами компанијата „777 Partners“ објави дека ќе купи 64,7% од компанијата „Tennor“ на Виндхорст и зделката сега чека на одобрение од бордот на директори од Германската фудбалска лига.
„Херта е еден од најважните клубови во Германија. Со нетрпение чекаме да ни ја одобрат зделката и да почнеме да работиме, да ја поставиме Херта на цврсти нозе и да ја направиме светска класа како преку успеси на теренот така и надвор од него“, изјави Џош Вондер, основач и управител на „777 Partners“.
Инаку оваа компанија пред една година ја купи и италијанскта Џенова, а исто така има дел и во шпанската Севиља, а има уддел и во клубови од Белгија, Франција и Бразил како и мал дел во австралискиот Мелбурн Виктори.
