Кошаркарите на Денвер славеа над Хјустон со 129:113, со нов дабл-дабл учинок на српскиот кошаркар Никола Јокиќ. Денвер водеше на полувремето со 70:68, но прашањето за победникот беше решено на крајот од третата четвртина, кога тимот од Колорадо тргна во серија од 8:0 за да дојде до плус 15 (106:91).
Јокиќ постигна 32 поени, заедно со 12 скока и осум систенции. Ова е третпат во последните четири натпревари српскиот центар да постигнува повеќе од 30 поени.
Њу Орлеанс на домашен терен ја победи Оклахома со 105:101. Клучната тројка на 44 секунди до крајот ја постигна Зион Вилијамсон, за кого ова беше 100. меч во НБА. Вилијамсон беше најефикасен кај Њу Орлеанс со 23 поени.
Феникс го совлада Сакраменто на гости со 122:117 и со тоа ја оствари петтата последователна победа. Гостите од Аризона до победата ги предводеше Девин Букер со 44 поени, додека Деандре Ајтон го забележа деветиот дабл-дабл сезонава со 17 поени и 12 скока.
НБА РЕЗУЛТАТИ:
Филаделфија – Аталанта 104-101
Вашингтон – Минесота 142-127
Бостон – Шарлот 140-105
Бруклин – Орландо 109-102
Торонто – Кливленд 100-88
Њу Орлеанс – Оклахома 105-101
Денвер – Хјустон 129-113
Јута – Чикаго 107-114
Сакраменто – Феникс 117-122
ЛА Лејкерс – Индијана 115-116
