Феникс дојде до 15 победа оваа сезона, откако го совлада Чикаго со убедливи 132-113. Во центарот на вниманието бепе Девин Букер, кој постигна 51 поени, 6 асистенции и 4 скока. Зад него беше Ејтон со 30 поени и 14 скока, додека во редовите на Чикаго Дерозан имаше 29 поени и 7 скока.
Феникс и натаму го држи првото место во Западната конференција со скор 15/6, додека Булси се 12-ти во Источната конференција.
Никола Јокиќ повторно блескаше во дресот на Денвер, кој пред своите навивачи беше подобар од Хјустон со 120-110. Српскиот центар беше на скок до трипл-дабл. За нешто повеќе од 27 минути на теренот запиша 17 поени, 9 скока и 12 асистенции. Мареј со 26 поени беше прв стрелец во редовите на победникот, Гордон имаше 20 поени, додека Браун 18.
Резултати: Кливленд – Филаделфија 113-85, Орландо – Атланта 108-125, Бостон – Мајами 134-121, Бруклин – Вашингтон 113-107, Њујорк – Милвоки 103-109, Минесота – Мемфис 109-101, Њу Орлеанс – Торонто 126-108, Оклахома – Сан Антонио 119-111, Денвер – Хјустон 120-100, Феникс – Чикаго 132-113, Јута – ЛА Клиперс 125-112, Сакраменто – Индијана 137-114, ЛА Лејкерс – Портланд 128-109.
