Лионел Меси и Аргентина ќе играат во нокаут фазата на Мундијалот, која ја обезбедија со лесна победа од 2:0 над Полска, а како првопласирана селекција од Ц групата во осминафиналето оди во Австралија.
По натпреварот на теренот се случи интересна ситуација. Главните улоги ги имаа Лионел Меси и Роберт Левандовски.
Лева и Меси имаа интересен разговор на теренот. Тие не сакаа никој да го слушне или да го прочита од нивните усни, па ја покриваа устата со раце.
Многумина ги интересираше за што зборуваат овие големи ѕвезди. Се претпоставува дека станува збор за ситуација во која Меси одби да се ракува со Левандовски по еден фаул.
Лео молчеше по натпреварот. Тој не сакаше да каже апсолутно ништо за разговорот со Лева.
“Деталот со Левандовски? Ме научија дека што и да се случи на теренот, останува таму. Истата ситуација е и во соблекувалната. Нема да слушнете ништо лошо од мене”, изјави Меси.
Од друга страна, Левандовски воопшто не ја коментираше ситуацијата на теренот. Тој само зборуваше за играта.
„Знаеме дека следниот меч ќе биде исто толку тежок како и овој. Убеден сум дека можеме да одиграме многу подобро, особено во фазата на напад“, изјави Левандовски и додаде:
„За сите нас ова е голем успех. Никој нема да се сеќава како игравме, но резултатот ќе остане запаметен. Среќен сум што ќе играме со Франција и оваа насмевка на моето лице ја покажува самодовербата и гордоста. Ќе дадеме се против Франција“.
