Конечно се најде некој јунак да ја победи Воска Спорт ова лето на пријателските. Попладнево во Охрид, на стадионот Грашница, екипата на Воска Спорт загуби од Тетекс со 2:3.
Стрелец на двата гола за Воска Спорт беше Фета, додека за Тетекс стрелаа Иванов во два наврати и Ајдини кој на 2:2 постигна гол за победа.
Треба да се каже дека тренерот Раде Цицмиловиќ на овој меч по малку и експериментираше со составот, шанса им даде на некои играчи кои досега имаа помала минутажа. Исто така не можеше да смета ниту на неколку стандардни првотимци поради повреда.
