Србија успеа да го одбрани олимпиското злато во ватерполо во Токио. Во возбудливото финале репрезентативците на нашиот северен сосед ја совладаа Грција со 13-10, благодарение на одличната одбрана, особено во последниот период, во кој останаа и со двајца играчи помалку, но одлично го приведоа дуелот.
Србија почна одлично во првата четвртина, водеше со 6-3, Грција се врати во вториот, го доби со 4-2, по изедначената игра во третиот период (2-2), победата ја завери во последната четвртина. Србите ја добија со 3-1.
За оваа земја ова беше второ злато на Игрите.
Бронзениот медал и припадна на Унгарија, која ја совлада Шпанија со 9-5.
