Викендов во Премиер лигата се игра 15. коло, а во него тимот на Ливерпул гостува кај Вулверхемптон. На официјалната прес конференција пред мечот, менаџерот Јирген Клоп уште еднаш ја објасни моменталата ситуација во која се наоѓа неговиот тим и на кој начин тој се справува со притисокот да се биде во битка за титулата.
„Неверојатно е колку треба да си добар за да победиш натпревар во лигата. Ова е првенство на највисоко ниво. Не можеш да ја освоиш титулата во ноември и декември, но веројатно може да ја загубиш. Битката за титулата е возбудлива. Не ги гледам натпреварите на Манчестер Сити или Челзи со надеж дека ќе загубат. Има многу натпревари за играње. Ајде да се фокусираме на следниот сега“. – изјави Клоп.
