Еден од најлошите тимови на Западната конференција на НБА лигата Оклахома Сити го шокираше Денвер и впиша победа во „Бол арена“ во Колорадо (119:107). Аутсајдерот од Оклахома од стартот им покажа на Нагетс дека поседува квалитет и во првото полувреме се играше егал кошарка. Денвер на полувреме имаше поен предност, а во продолжение Тандерс заиграа подобро. Предводени од Гилджиус Александер кој уфрли 29 поени и Роби кој додаде 26 поени, Оклахома стигна до победа на ова гостување.
Кај Денвер најефикасен беше Никола Јокиќ кој даде 22 поени и имаше 16 скокови. Иако Србинот беше солиден, останатите не го следеа како што треба: Хајленд уфрли 19 и Форбс постигна 18 поени.
Денвер е шести на Западот со скор 36:26, додека Оклахома е претпоследна со ефект 20 победи и 42 порази.
Резултати
Денвер – Оклахома 107:119
Кливленд – Шарлот 114:122
Филаделфија – Њујорк 123:108
Хјустон – Јута 127:132 (по продолженијата)
Милвоки – Мајами 120:119
Њу Орлеанс – Сакраменто 125:95
Финикс – Портланд 120:90
