Се погласни се информациите дека Барселона ќе го ангажира Роберт Левандовски од Баерн ова лето. Се споменуваат големи суми, бонуси и слично… Почесниот претседател на Баерн Ули Хенес е изненаден од интересот на Барселона за полскиот голгетер ако се знае дека клубот од Каталонија има големи долгови.
„На големо се пишува дека Барселона ќе го ангажира Роберт Левандовски. Пред шест месеци тие имаа долг од 1,3 милијарди евра. Во Германија одамна ќе беа банкротирани!
Значи огромен долг, банкрот им тропа на врата, а тие се перчат со мулти-милионска понуда за фудбалер на Баерн“, изјави Хенес.
Од друга страна тој вели дека не познава ниту еден човек од Баерн кој би се согласил Левандовски да си замине.
