Џо Гомез потпиша нов 5-годишен договор со Ливерпул. Дефанзивецот ќе биде дел од клубот до 2027 година. „Црвените“ сакаа да ги обезбедат услугите на дефанзивецот, бидејќи за него имаше интерес од неколку клубови, вклучувајќи ги Астон Вила, Њукасл и Рома.
Јирген Клоп е заинтересиран за Гомез, иако тој не добива многу шанси за настап во последните сезони. Минатата сезона тој почесто беше користен како десен бек на местото на Трент Александер-Арнолд, наместо на неговата типична позиција во центарот на одбраната, каде што е четврти избор зад Ван Дијк, Матип и Конате.
