Шпанскиот фудбалер во пензија Карлес Пујол се извини за коментарот на објавата на Икер Касиљас на Твитер. “Направив грешка. Извинете за несмасната и сосема несоодветна шега, немав лоши намери. Разбирам дека можеби се повредени нечии чувства. Ја почитувам и поддржувам ЛГБТ заедницата”, напиша Пујол.
Да потсетиме, Касиљас во објава на Твитер напиша дека е геј. Но, објавата исчезна еден час подоцна, а поранешниот голман ја објасни ситуацијата во нов твит:
„Мојот профил беше хакиран. За среќа, сега се е во ред. Извинување до сите мои следбеници. И, секако, уште едно извинување до ЛГБТ заедницата“, пиша тој.
Избришаниот твит гласеше: „Се надевам дека ме почитувате. Јас сум геј“. За еден час Касиљас собра повеќе од 200 илјади реакции и голем број нови следбеници. Во своите коментари, поранешниот соиграч Пујол му даде поддршка: Време е да кажаш. Горд сум на тебе. Пујол и Касиљас со години се големи ривали на теренот. Едниот беше капитен на Реал Мадрид, другиот на Барселона.
