Се разбира дека без конкуренција за глупоста на годината, што ја направи, го избравме „тепачот“ Сабит Билали. На мечот меѓу Шкендија и А. Пандев во есенскиот дел од сезоната 2022/23, играчот за врска просто здиве. Прво удри со рака еден фудбалер на гостите, а потоа кога овој падна долу на теренот, го шутна и со нога.
Нема никакво оправдување и покрај фрустрацијата од тие 1:1 во финишот. Билали веднаш доби црвен картон, Дисцплинската комисија на ФФМ го казни со шестмесечна забрана.
Се разбира потоа Шкендија како голем клуб му врачи „шут – карта“ на “тепачот“ Сабит Билали.
