Еден од најдобрите млади играчи во Јужна Америка Карлос Алкараз го напушта Расинг и ќе игра во Саутемптон. Двете страни се договориле, а Алкараз ќе му се приклучи на премиерлигашот во наредните 24 часа.
Инаку Алкараз потпишал договор до јуни 2027 година, а Саутемптон ќе плати 14 милиони евра за неговите услуги плус 1 милион во форма на бонуси. Расинг ќе добие и 15% од сумата при наредната продажба на фудбалерот.
Алкараз има 20 години, игра во средниот ред и дебитираше за Расинг во 2020 година. Во финалето на аргентинскиот Куп 2022 го постигна победничкиот гол против Бока.
