Т. Пролет лесно и убедливо стартуваше во новата суперлигашка сезона, триумфирајќи во првиот меч на домашен терен над Вардар Неготино со убедливи 35-21. Домашниот тим го контролираше резултатот од почеток до крај, Лембанов им даде шанса на сите ракометари да покажат што знаат, а двоцифрената разлика на семафорот на крајот од натпреварот е јасен одраз за разликата во квалитетот на двата тима.
Пролет на одморот имаше предност од 16-9, која не беше тешко да се одржува во продолжение.
Давор Палевски беше најефикасен во тимот на Пролет со шест гола (пет во првото полувреме), а по четири погодоци постигнаа капитенот Андоновски и младите Тотиќ, Димковски и Додевски. На другата страна Кузманов имаше четири гола.
Во групата А, Куманово на домашен терен совладан од Аеродром со 32-34.
