Поранешниот фудбалер на Интер, Весли Снајдер изјави дека жени не би требало да работат во машки фудбалски тимови. Тој заедно со Пјер Ван Хојдонк, за „Студио Фудбал“ зборуваше за идејата Сарина Вигман, селектор на женската репрезентација на Англија да го замени Герет Саутгејт како селектор на машкиот тим.
„Немам ништо против жените, но мислам дека ова е премногу. Слушнав за тоа (за Вајгман) и мислам дека премногу се форсира. Ако се случи нека се случи природно, а не да се мора. Мислам дека тоа ќе биде контрапродуктивно. Јас лично би сакал да имам машки тренер. Не можам да се замислам поинаку“, изјави Снајдер.
