Валтер Бекенбауер, брат на големата легенда на германскиот фудбал Франц Бекенбауер , потврди дека здравствената состојба на „Кајзер Франц“ не е добра.
„Ако кажам дека се е во ред со неговото здравје, ќе лажам, а не сакам да лажам. Не е добар“, рече Бекенбауер.
Претходно, поранешниот играч на Баерн Минхен, Лотар Матеус, изјави дека здравствената состојба на Франц Бекенбауер се влошила. Франц Бекенбауер е двократен освојувач на Златната топка, петкратен германски шампион, европски шампион од 1972 година, светски шампион од 1974 година.
Како тренер, Бекенбауер го освои Купот на УЕФА, францускиот шампионат, германскиот шампионат и стана светски првак во 1990 година.
