Кошаркарите на ТФТ не успеаја да ја остварат втората победа во тековната сезона од АБА 2 лигата, откако вечерва на стартот на новиот „балон“ турнир загубија од екипата на Подгорица со 86:83. Во еден навистина неизвесен меч, ТФТ одигра одличен меч, но во финишот немаше сили да направи чекор до победа.
Нашиот преставник одлично го почне мечот, а го држеше дуелот во егал во првите три четвртини. Подгорица успеа да влезе во константна предност во последниот период и на крајот прокнижи нова победа.
Луис со 19 поени беше најефикасен кај ТФТ, додека кај Подгорица извонреден беше Кљајевиќ кој постигна 29 поени.
