Кошаркарите на МКК Куманово забележаа убедлива победа над Струмица со 85:48, во последниот денешен натпревар од седмото коло на македонската Суперлига.
Кумановци уште од почетокот ја презедоа контролата и ја добија првата четвртина со 21:8, а потоа постојано ја зголемуваа предноста до конечни 37 поени разлика.
Најефикасен во победничкиот состав беше Камерон Гуден со 18 поени, а Андреја Стевановиќ постигна 17. Бобан Стајиќ запиша 14 поени и девет асистенции, додека Стефан Фундиќ придонесе со 10 поени и осум скока.
Кај Струмица, Димитар Пандев беше најдобар стрелец со 14 поени, осум скока и четири асистенции, додека Кам Крафорд постигна 11 поени.
