Кошаркарската репрезентација на САД на Светското првенство 2023 година пристигна без најголемите ѕвезди на НБА лигата и на крајот од турнирот остана без медал откако во полуфиналето загуби од Германија (111:113), а во борба за трето место од Канада (118:127, продолжение).
Сега се подготвува супер тим во Париз.
Листата ја предводат мегаѕвездите Леброн Џејмс и Стеф Кари, тука се Кевин Дурент, Џејсон Тејтум, Девин Букер…, но и Џоел Ембид во дебитантската акција за репрезентацијата на САД. Сите играчи на списокот, со исклучок на Ембиид, кој како 16-годишник се пресели од Камерун во Америка и кој пред две години зеде и француско државјанство, веќе играа за САД на големите натпреварувања.
Леброн Џејмс се враќа на Олимписките игри за прв пат по Лондон 2012 година и тоа ќе биде негов четврти настап на кошаркарскиот олимписки турнир. Кари никогаш не играл на Олимпијада.
Кошаркарскиот турнир на Олимписките игри во Париз ќе се игра од 27 јули до 11 август, а САД ќе влезат во него од групата Ц во која се уште Србија, Јужен Судан и се уште непознат квалификациски натпревар.
Кошаркарскиот тим на САД за Олимпијадата во Париз, 11 од 12 места:
Леброн Џејмс (ЛА Лејкерс)
Сте Кари (Голден Стејт Вориорс)
Кевин Дурент (Феникс Санс)
Џоел Ембиид (Филаделфија 76ерс)
Џејсон Тејтум (Бостон Селтикс)
Девин Букер (Феникс Санс)
Тајрис Халибартон (Индијана Пејсерс)
Ентони Едвардс (Минесота Тимбервулвс)
Џру Холидеј (Бостон Селтикс)
Бам Адебајо (Мајами Хит)
Ентони Дејвис (ЛА Лејкерс)
ESPN Sources: USA Basketball is finalizing its 2024 Paris Olympics roster with Steph Curry, LeBron James, Kevin Durant, Jayson Tatum, Joel Embiid, Devin Booker, Tyrese Haliburton, Anthony Edwards, Jrue Holiday, Bam Adebayo and Anthony Davis. Team may initially keep one open spot. pic.twitter.com/kO7TREBVDK
— Adrian Wojnarowski (@wojespn) April 15, 2024
