Се чини дека КК Партизан не се шегува во однос на следната сезона. Како што прво известија медиумите во Шпанија, а потоа преземаа и српските, раководството на “црно – белите“ за ова лето спремаат трансфер „бомба“. Желбата на тренерот Жељко Обрадовиќ е Крис Џонс, најдобриот кошаркар на Валенсија сезонава.
Џонс сезонава во Евролигата има во просек по 12,7 поени. Се верува дека Партизан има најголеми шанси да дојде до него, иако и некои други клубови биле заинтересирани за бекот на Валенсија.
Американецот кој има 31 година има откупна клаузула, но Партизан би ја платил без проблем, барем такви се најавите.
