Е, денеска е готово. Беса и официјално се избори за прволигашки статус за наредната сезона. Ова е историски успех за клубот од Добри Дол, амбициозен клуб кој едноставно сезонава си се прошета низ ВМФЛ и на три кола до крајот не мора веќе да стравува дека третиот Детонит, барем официјално, ќе му го помати славјето.
Беса денеска во меч од 27.коло попладнево славеше против Охрид со 4:0 и со стил го официјализира пласманот во нашата елитна лига за наредната сезона.
Момците на тренерот Александар Таневски едноставно беа најдобри.
Попладнево се одиграа и сите други мечеви од ова 27.коло во ВМФЛ.
Кога сме кај Детонит, овој тим одигра само 0:0 против Саса. Пелистер беше убедлив дома со Тетекс и славеше со 3:0.
Беласица очекувано го совлада Караорман во Струга и тоа со 0:4, додека Скопје и Победа ремизираа со резултат 1:1. Вардар дома со 3:0 го победи Осогово
РЕЗУЛТАТИ ЗА 27.КОЛО
Арсими – Башкими 2:0
Беса – Охрид 4:0
Детонит – Саса 0:0
Скопје – Победа 1:1
Караорман – Беласица 0:4
Кожув – Новаци 2:1
Пелистер – Тетекс 3:0
Вардар (Н) – Осогово 3:0