И официјално Дејан Кукуловски е ново име во таборот на амбициозниот ГРК Охрид за сезоната 2024/25. Тој денеска стави потпис на едногодишен договор со “Гладијаторите“ а потоа и официјално и беше претставен на јавноста. Секако дека ова е големо засилување за ГРК Охрид.
– Среќен сум што повторно се враќам во Македонија. Охрид прерасна во голем и амбициозен клуб. Верувам во овој тим и ќе дадам се од себе да помогнам за што подобар пласман во наредната сезона и се надевам заедно ќе имаме одлични резултати, изјави Кукуловски.
Кукуловски до сега настапувал за Вардар, Еурофарм Пелистер и Брно од Чешка, а има настапувано и во сите младински и сениорската репрезентација на Македонија.
