Фантастичен, историски успех на тимот од Добри Дол. Не само што Беса на три кола до крајот, во вторникот, го обезбеди пласманот во елитата, овој тим вчера стави печат на супер – сезоната и со официјално пласманот на првото место. Значи Беса како шампион, и тоа пред Пелистер, ќе добие и пехар за најуспешниот тим во сезоната 2023/24 во Втората лига.
Секоја чест и честитки за клубот од Добри Дол.
Од друга страна и Пелистер, како втор, успеа да го официјализира пласманот во елитата, но битолчани немаат зошто да бидат премногу еуфорични. Тие успеаја само да го искористат падот во пролетниот дел на Детонит и да го искористат фактот дека оваа година во ВМФЛ ги немаше Гостивар, Воска, Вардар…како минатата сезона.
Колку да се знае дека Беса е шампион и тоа пред Пелистер.
