Светската автомобилистичка федерација денеска покажа како ќе изгледа Формула 1 болидот во 2026 година.
Новиот болид освен променетиот изглед ќе има и некои технички промени.
Меѓуоскиното растојание на болидот ќе се намали од 3600 на 3400 mm, ширината од 2000 на 1900 mm, минималната тежина ќе се намали за 30 kg, надолната сила ќе се намали за 30 проценти, а влечењето за 55 проценти.
Ќе останат 18-инчните тркала претставени во 2022 година, но ширината на предните тркала ќе се намали за 25 mm, а на задните тркала за 30 mm.
Во 2026 година, DRS ќе биде заменет со нов активен аеродинамички систем со подвижни предни и задни крила, што ќе доведе до зголемена брзина во свиоците. Предното крило ќе стане потесно за 100 mm, а браниците на тркалата ќе исчезнат. Покрај тоа, болидите ќе работат на целосно „зелено“ гориво, како што беше претходно објавено.
The new blueprint of the 2026 FIA Formula 1 car through every angle 🏎️✨ This concept and the 2026 FIA Formula 1 regulations are set to redefine speed, performance, sustainability and safety on track.
Get all the info on https://t.co/vRtFSSO8ua@F1 #FIA pic.twitter.com/FJqSLc4NUS
— FIA (@fia) June 6, 2024
