Во неделата се одиграа 6-то и 7-мо коло од Супер лига и Прва пинг понг лига за сениори кои донесоа неколку возбудливи натпревари, а битката за шампионската титула и промоција во најдобрата државна лига станува се поинтересна.
Лидерот Младост 96 успеа да се „извлече” и тесно да ја победи екипата на Пелагонија со резултат од 4:3. Астраион од Струмица со две победи се зацврстува на второто место и прикажува одлични резултати со оглед на тоа дека ова е прва сезона на екипата во најдобрата македонска пинг понг лига.
Во Прва лига, односно втора по ранг, Работнички рутинирано однесе две победи во 6-тото и 7-то кола, а екипата на 10 60 АС Ѓорче Петров со млада екипа и како промовирана од Втора лига за оваа сезона покажува одлични резултати.
Последните две кола за есенската полусезона ќе се одиграат на 24.11. 2024 г. во спортскиот центар Јане Сандански.
